15 વર્ષના બોલરનો તરખાટ : ઈનિંગમાં 10 વિકેટ ઝડપી

Indian News

Indian News

Author 2019-11-07 15:04:06

img

એજન્સી, તેજપુર (આસમ)

અંડર-16માં ક્રિકેટ ટૂર્નામેન્ટમાં વિજય મર્ચન્ટ ટ્રોફીમાં મેઘાલયના બોલર નિર્દેશ બૈસોયાએ બુધવારના રોજ એક ઈનિંગમાં તમામ 10 વિકેટો ઝડપવાનો રેકોર્ડ પોતાના નામે કર્યો છે. નિર્દેશે અસમ વેલી સ્કૂલ ગ્રાઉન્ડમાં નાગાલેન્ડ વિરુદ્ધ રમાયેલી મેચમાં આ ઐતિહાસિક સિદ્ધિ પ્રાપ્ત કરી છે.

મેચના પહેલા જ દિવસે પહેલી જ ઈનિંગ રમવા ઉતરેલી નાગાલેન્ડની ટીમના એક પણ બેટ્સમેન નિર્દેશની સામે ટકી શક્યા નહતા અને સતત પોતાની વિકેટ ગુમાવતા રહ્યા હતા. મેરઠ સાથે સંબંધ ધરાવનાર 15 વર્ષીય નિર્દેશ મેઘાલય માટે એક ગેસ્ટ બોલર તરીકે રમે છે. તેણે 21 ઓવર્સમાં 51 રન આપીને તમામ 10 વિકેટો ઝડપી લીધી હતી. આ દરમિયાન તેણે 10 મેડન ઓવર પણ નાખી હતી.

ઓફ સ્પિનર નિર્દેશે વિકેટ લેવાની શરૂઆત ઈનિંગની 10મી ઓવરના ત્રીજા બોલથી કરી હતી. મલિક 29 બોલ રમ્યા બાદ પણ પોતાનું ખાતું ખોલાવી શક્યો નહતો. એક પછી એક વિકેટ પડવાનો સિલસિલો શરૂ થયો હતો જે 42મી ઓવરના છેલ્લા બોલ પર પૂર્ણ થયો હતો. નિર્દેશે હુટો તોશિહો અચહુમીને આઉટ કરીને પોતાની 10મી વિકેટ પૂર્ણ કરી અને નાગાલેન્ડને 113 રનમાં જ પેવેલિયન ભેગું કરી દીધું હતું.

READ SOURCE

Experience triple speed

Never miss the exciting moment of the game

DOWNLOAD