IND v/s SA : ટેસ્ટમાં કોહલીએ 2019ની પ્રથમ, કારકિર્દીની 26મી સદી ફટકારી

Indian News

Indian News

Author 2019-10-11 14:12:34

img

એજન્સી, પુણે

ભારતીય કેપ્ટન વિરાટ કોહલીએ પુણેમાં દક્ષિણ આફ્રિકા સામે રમાઈ રહેલી ત્રણ ટેસ્ટ મેચ સીરિઝની બીજી ટેસ્ટમાં શાનદાર સદી નોંધાવી છે. આ સાથે જે ચાલુ ક્રિકેટ કેલેન્ડર વર્ષમાં કોહલીની આ સૌપ્રથમ ટેસ્ટ સેન્ચુરી છે. વિરાટ કોહલીએ દક્ષિણ આફ્રિકા સામે ટેસ્ટ કારકિર્દીની 26મી સદી ફટકારી હતી આ સાથે જ વન-ડેમાં 43 સદી સાથે તેની સદીનો કુલ આંકડો 69 પર પહોંચ્યો છે.તેણે સૌથી વધુ સદીના લિસ્ટમાં વેસ્ટ ઇન્ડિઝના ગેરી સોબર્સ અને ઓસ્ટ્રેલિયાના સ્ટીવ સ્મિથની બરોબરી કરી છે.

દક્ષિણ આફ્રિકા સામે પુણેમાં રમાઈ રહેલી બીજી ટેસ્ટના પ્રથમ દિવસે ઓપનર મયંક અગ્રવાલે પણ સદી (108) ફટકારીને ભારતને મજબૂત સ્થિતિમાં લાવી દીધું હતું.

બીજા દિવસની રમત શરૂ થતા જ ભારતીય કેપ્ટન વિરાટ કોહલી અને વાઈસ કેપ્ટન અજિંક્ય રહાણેએ પોતાની ઈનિંગ આગળ વધારી હતી. રહાણેએ પણ અડધી સદી પૂરી કરી હતી. કેપ્ટન કોહલીએ 2019ના વર્ષની પ્રથમ ટેસ્ટ સદી આફ્રિકા સામે ફટકારી છે. આ સાથે જ ટેસ્ટ અને વન-ડેમાં વિરાટની 69 સદી થઈ છે. દક્ષિણ આફ્રિકા સામે 109મી ઓવરના ચોથા બોલ પર ફિલેન્ડરની ઓવરમાં બાઉન્ડ્રી ફટકારીને વિરાટે સદી પૂરી કરી હતી. વિરાટ કોહલીની ટેસ્ટ કારકિર્દીની આ 26મી સદી છે. વિરાટે 175 બોલમાં 16 બાઉન્ડ્રીની મદદથી સદી ફટકારી હતી.

પ્રથમ દિવસની રમતના અંતે ભારતનો સ્કોર 85.1 ઓવરમાં 273/3 રહ્યો હતો. મયંક અગ્રાવલે સદી નોંધાવી હતી જ્યારે ચેતેશ્વર પૂજારાએ 58 રનની ઉપયોગી ઈનિંગ રમી હતી. રોહિત શર્માએ 14 રન કર્યા હતા. દક્ષિણ આફ્રિકાના ફાસ્ટ બોલર રબાડાએ ભારતની ત્રણેય વિકેટ ઝડપી હતી. બીજા દિવસની રમતમાં લંચ સુધીમા 113 ઓવરના અંતે ભારતનોસ્કોર 356/3 રહ્યો હતો. વિરાટ કોહલી 104* અને અજિંક્ય રહાણે58* રન સાથે રમતમાં છે.

READ SOURCE

⚡️Fastest Live Score

Never miss any exciting cricket moment

OPEN