INDvsBAN 2nd T20I: રાજકોટમાં ભારતનો 8 વિકેટે બાંગ્લાદેશ સામે ભવ્ય વિજય

Indian News

Indian News

Author 2019-11-08 01:40:20

img

નવગુજરાત સમય,રાજકોટ

યજમાન ભારતે કપ્તાન રોહિત શર્માની ધમાકેદાર બેટિંગના કારણે બાંગ્લાદેશને બીજી ટી20 મેચમાં કરારી હાર આપી હતી. ટીમ ઇન્ડિયાએ ગુરુવારના રોજ રમાયેલી આ મેચમાં 8 વિકેટ ગુમાવીને જીત મેળવી છે. આ સાથે જ બાંગ્લાદેશ સામે પહેલી ટી20 મેચમાં મળેલી હારનો બદલો પણ લીધો હતો. આટલું જ નહિ આ ત્રણ મેચની સીરિઝમાં 1-1ની બરાબરી કરી લીધી હતી. બાંગ્લાદેશે ભારતને પહેલી ટી20 મેચમાં સાત વિકેટથી હરાવ્યું હતું.

ભારત અને બાંગ્લાદેશ વચ્ચે બીજી ટી20 મેચ રાજકોટ ખાતે રમાઈ હતી. ભારતના કેપ્ટન રોહિત શર્માએ ટોસ જીતીને બાંગ્લાદેશને પહેલા બેટિંગ કરવા માટે કહ્યું હતું. બાંગ્લાદેશની ટીમે સારી શરૂઆત કરી હતી પરંતુ 20 ઓવરમાં છ વિકેટ બનાવીને 153 રન બનાવી શકી હતી.

ભારતીય ટીમે આના જવાબમાં 15.4 ઓવરમાં 2 વિકેટના નુકસાને 154 રન બનાવીને મેચ જીતી લીધી હતી. ત્રીજી ટી 20 મેચ રવિવારના રોજ રમાશે.

ભારતની જીતનો મુખ્ય હીરો રોહિત શર્મા રહ્યો હતો. 43 બોલમાં 85 રન બનાવ્યા હતા. રોહિત શર્માની આ 100મી ટી 20 ઇન્ટરનેશનલ મેચ હતી. તેણે આ ખાસ ક્ષણનો જશ્ન ધમાકેદાર બેટિંગ કરીને મનાવ્યો હતો. રોહિતે પોતાની બેટિંગ દરમિયાન છ ચોગ્ગા અને એટલા જ તેની સામે છગ્ગા માર્યા હતા. આ તેની 18મી હાફ સેન્ચ્યુરી હતી.

કપ્તાન રોહિત શર્માએ પોતાના સાથી શિખર ધવનની સાથે તોફાની બેટિંગ કરી હતી. આ બંનેને 10.5માં 118 રનની ભાગીદારી કરીને ભારતની જીત સુનિશ્ચિત કરી દીધી હતી. આ જ સ્કોર પર શિખર ધાવણ અમીનુલ ઇસ્લામના બોલ પર આગળ રમીને કોશિશ કરવા જતા બોલ્ડ થઇ ગયો હતો. તેણે 27 બોલમાં 31 રન બનાવ્યા હતા જેમાં ચાર ચોગ્ગા પણ સામેલ છે.

આ પહેલા બાંગ્લાદેશની ટીમે 6 વિકેટના નુકસાને 153 રન બનાવ્યા હતા. ઓપનર મહોમ્મ્દ નઇમ (36) અને લિટન દાસ (29)રનની ભાગીદારી કરીને સારી શરૂઆત કરી હતી. બાંગ્લાદેશના બાકી બેટ્સમેન શરૂઆતનો ફાયદો ઉઠાવી શક્યા ન હતા ને જલ્દી આઉટ થઇ ગયા હતા. સૌમ્ય સરકાર અને મહમૂદલ્લાહ 30-30 રન બનાવીને ટીમને 150 રન સુધી લઇ ગયા હતા. પરંતુ આ સ્કોટ ભારતીય ટીમ સામે ખૂબ જ નાનો હતો. ભારત માટે યજુવેન્દ્ર ચહલે સૌથી વધારે વિકેટ લીધી હતી. દિપક ચાહર,ખલીલ અહમદ અને વોશિંગટન સુંદરે એક એક વિકેટ લીધી હતી.

READ SOURCE

Experience triple speed

Never miss the exciting moment of the game

DOWNLOAD