மாலன், மோர்கன் அதிரடியில் இங்கிலாந்து அபார வெற்றி
நேப்பியர்: நியூசிலாந்து அணியுடனான 4வது டி20 போட்டியில், இங்கிலாந்து அணி 76 ரன் வித்தியாசத்தில் அபாரமாக வென்றது. மெக்லீன் பார்க் மைதானத்தில் நேற்று நடந்த இப்போட்டியில், டாசில் வென்ற நியூசிலாந்து முதலில் பந்துவீசியது. இங்கிலாந்து தொடக்க வீரர்கள் பேர்ஸ்டோ 8, டாம் பான்டன் 31 ரன் எடுத்து பெவிலியன் திரும்பினர். டேவிட் மாலன் - கேப்டன் இயான் மோர்கன் ஜோடி 3வது விக்கெட்டுக்கு அதிரடியாக 182 ரன் சேர்த்தது. மாலன் சதம் விளாசி அசத்தினார்.
மோர்கன் 91 ரன் (41 பந்து, 7 பவுண்டரி, 7 சிக்சர்) விளாசி சவுத்தீ வேகத்தில் டேரில் மிட்செல் வசம் பிடிபட்டார். இங்கிலாந்து அணி 20 ஓவரில் 3 விக்கெட் இழப்புக்கு 241 ரன் குவித்தது.