வின்ஸ் அரை சதம்: நியூசிலாந்தை வீழ்த்தியது இங்கிலாந்து!

Indian News

Indian News

Author 2019-11-01 12:42:03

img

நியூசிலாந்துக்கு எதிரான முதல் டி-20 போட்டியில் இங்கிலாந்து அணி அபார வெற்றி பெற்றது.

இங்கிலாந்து கிரிக்கெட் அணி, நியூசிலாந்தில் சுற்றுப்பயணம் செய்து 5 போட்டிகள் கொண்ட டி-20 தொடர் மற்றும் 2 டெஸ்ட் போட்டிகளில் விளையாடுகிறது. இரு அணிகளுக்கு இடையே முதலில் டி-20 போட்டி நடக்கிறது. முதலாவது டி-20 போட்டி, கிறிஸ்ட் சர்ச்சில் இன்று நடந்தது. டாஸ் வென்ற இங்கிலாந்து அணி கேப்டன் இயான் மோர்கன் பந்துவீச்சை முதலில் தேர்வு செய்தார்.

இதனால், நியூசிலாந்து அணி முதலில் பேட்டிங் செய்தது.

அந்த அணி, நிர்ணயிக்கப்பட்ட 20 ஓவரில் 5 விக்கெட் இழப்புக்கு 153 ரன்கள் எடுத்தது. அதிகப்பட்சமாக ராஸ் டெய்லர் 35 பந்துகளில் 44 ரன்கள் எடுத்து ஆட்டமிழந்தார். இங்கிலாந்து தரப்பில் ஜோர்டான் 2 விக்கெட்டும், சாம் கர்ரன், ரஷித், பிரவுன் தலா ஒரு விக்கெட்டையும் வீழ்த்தினர்.

பின்னர் பேட்டிங்கை தொடங்கிய இங்கிலாந்து அணி, 18.3 ஓவர்களில் 3 விக்கெட் இழப்புக்கு 154 ரன்கள் எடுத்து, 7 விக்கெட் வித்தியாசத்தில் வெற்றி பெற்றது. அந்த அணியின் தொடக்க ஆட்டக்காரர் பேர்ஸ்டோவ் 35 ரன்களும் ஜேம்ஸ் வின்ஸ் 59 ரன்களும் கேப்டன் மோர்கன் 34 ரன்களும் எடுத்தனர். ஜேம்ஸ் வின்ஸுக்கு ஆட்டநாயகன் விருது வழங்கப்பட்டது.

READ SOURCE

Experience triple speed

Never miss the exciting moment of the game

DOWNLOAD