అయ్యో దక్షిణాఫ్రికా.. రాంచీ టెస్టుపై సెటైర్లు

NewsDaily

NewsDaily

Author 2019-10-23 00:02:49

imgThird party image reference

భారత్, దక్షిణాఫ్రికా మధ్య రాంచీ వేదికగా మంగళవారం ముగిసిన ఆఖరి టెస్టు మ్యాచ్‌పై అభిమానులు సోషల్ మీడియాలో సెటైర్లు పేలుస్తున్నారు. శనివారం మొదలైన ఈ టెస్టు మ్యాచ్‌ కేవలం నాలుగు రోజుల్లోనే ముగియగా.. రెండు ఇన్నింగ్స్‌ల్లోనూ బ్యాటింగ్‌లో సఫారీలు తేలిపోయారు.

భారత్ తరఫున రోహిత్ శర్మ డబుల్ సెంచరీ, అజింక్య రహానె సెంచరీ సాధించగా.. దక్షిణాఫ్రికా టీమ్ నుంచి కనీసం ఒక్క శతకం కూడా నమోదు కాలేదు. దీంతో.. ఇన్నింగ్స్‌, 202 పరుగుల తేడాతో గెలిచిన టీమిండియా మూడు టెస్టుల సిరీస్‌ని 3-0తో కైవసం చేసుకుంది. భారత్ గడ్డపై టీమిండియాకి ఇది వరుసగా 11వ టెస్టు సిరీస్‌ గెలుపు.

భారత్ జట్టులో రోహిత్ శర్మతో పాటు ఉమేశ్ యాదవ్ కూడా సిక్సర్ల వర్షం కురిపించాడు. మ్యాచ్‌లో రెండు ఇన్నింగ్స్‌ల్లో కలిపి ఐదు వికెట్లు పడగొట్టిన ఉమేశ్.. బ్యాటింగ్‌లో కేవలం 10 బంతుల్లోనే ఐదు సిక్సర్లు బాది ఏకంగా 31 పరుగులు చేసిన విషయం తెలిసిందే. మొత్తంగా.. టెస్టు సిరీస్‌ సఫారీలకి చేదు అనుభవాన్ని మిగిల్చింది.

మ్యాచ్ తొలి ఇన్నింగ్స్‌లో భారత్ జట్టు 116.3 ఓవర్ల పాటు బ్యాటింగ్ చేసి 497/9 వద్ద డిక్లేర్ చేసింది. దక్షిణాఫ్రికా తొలి ఇన్నింగ్స్‌‌లో 56.2 ఓవర్లలో 162 పరుగులకి ఆలౌటై.. అనంతరం ఫాలోఆన్‌లో‌నూ 48 ఓవర్లలో 133 పరుగులకే కుప్పకూలిపోయింది. మొత్తంగా ఆ జట్టు 104.2 ఓవర్లు మాత్రమే బ్యాటింగ్ చేయడం కొసమెరుపు.

READ SOURCE

⚡️Fastest Live Score

Never miss any exciting cricket moment

OPEN