ఈ నెల 24న తేలిపోనున్న ధోనీ భవితవ్యం

NewsDaily

NewsDaily

Author 2019-10-17 13:20:18

భారత మాజీ కెప్టెన్ మహేంద్రసింగ్ ధోనీ క్రికెట్ భవితవ్యం మరో వారంలో తేలిపోనుంది. ఇంగ్లాండ్ వేదికగా ఇటీవల ముగిసిన వన్డే ప్రపంచకప్ తర్వాత క్రికెట్‌కి దూరంగా ఉంటున్న ధోనీ.. రిటైర్మెంట్‌ గురించి సెలక్టర్లు, బీసీసీఐకి ఎలాంటి స్పష్టత ఇవ్వడం లేదు. దీంతో.. అతని భవితవ్యంపై గత మూడు నెలలుగా సందిగ్ధత నెలకొనగా.. బీసీసీఐ కొత్త అధ్యక్షుడిగా బాధ్యతలు చేపట్టబోతున్న మాజీ కెప్టెన్ సౌరవ్ గంగూలీ ఆ సందిగ్ధతకి ఈ నెల 24న తెరదించుతానని ప్రకటించాడు.

imgThird party image reference

బంగ్లాదేశ్‌తో నవంబరు 3 నుంచి మూడు టీ20ల సిరీస్‌లో భారత్ తలపడనుండగా.. ఈ సిరీస్ కోసం ఈనెల 24న జట్టుని భారత సెలక్టర్లు ఎంపిక చేయనున్నారు. అప్పటిలోపు బీసీసీఐ అధ్యక్షుడిగా సౌరవ్ గంగూలీ బాధ్యతలు చేపట్టనున్నాడు. దీంతో.. ముంబయిలోని బీసీసీఐ ప్రధాన కార్యాలయంలో ఈ నెల 24న జరిగే సెలక్టర్ల సమావేశానికి అధ్యక్షుడి హోదాలో హాజరుకానున్న గంగూలీ.. ధోనీ భవితవ్యం గురించి సెలక్టర్లతో చర్చిస్తానని స్పష్టం చేశాడు.

‘ధోనీ భవితవ్యంపై సెలక్టర్ల ఆలోచన ఏంటో..? ఈ నెల 24న వారిని కలిసినప్పుడు నేను స్వయంగా అడిగి తెలుసుకుంటా. ఆ తర్వాత నా అభిప్రాయం కూడా వారికి చెప్తాను’ అని గంగూలీ వెల్లడించాడు. ధోనీతో కూడా తాను మాట్లాడతానని చెప్పుకొచ్చిన గంగూలీ.. అతని అభిప్రాయాన్ని కూడా పరిగణలోకి తీసుకోనున్నట్లు స్పష్టం చేశాడు. ఒకవేళ ధోనీ రిటైర్మెంట్ తీసుకుంటానని చెప్తే..? అతనికి వీడ్కోలు మ్యాచ్ ఆడే అవకాశాన్ని గంగూలీ కల్పించే సూచనలు కనిపిస్తున్నాయి. కానీ.. బంగ్లాదేశ్‌తో సిరీస్‌కి తాను అందుబాటులో ఉండనని ధోనీ ఇటీవల సెలక్టర్లకి సమాచారం ఇచ్చిన విషయం తెలిసిందే.

READ SOURCE

⚡️Fastest Live Score

Never miss any exciting cricket moment

OPEN