ఎస్‌బీఐ అమరావతి సర్కిల్ స్వచ్ఛతా సేవ

Andhra Bhoomi

Andhra Bhoomi

Author 2019-10-03 02:08:35

హైదరాబాద్, అక్టోబర్ 2: గాంధీ జయంతి సందర్భంగా స్టేట్ బ్యాంక్ ఆఫ్ ఇండియా అమరావతి సర్కిల్ విభాగం సిబ్బంది బుధవారం ఇక్కడ నెక్లెస్ రోడ్డులో స్వచ్ఛ భారత్ కార్యక్రమాన్ని నిర్వహించారు. ఈ సందర్భంగా పర్యావరణ హిత సంచులను పంపిణీ చేశారు. ప్రజల నుంచి ప్లాస్టిక్ బ్యాగ్‌లను సేకరించారు. ఈ సందర్భంగా బ్యాంకు చీఫ్ జనరల్ మేనేజర్ మణి పల్వీసన్, డీజీఎం ఎస్‌ఎన్ కులకర్ణి మాట్లాడుతూ పర్యావరణ పరిరక్షణకు ప్రతి పౌరుడు పాటుపడాలన్నారు.
ప్లాస్టిక్ వాడకాన్ని నిషేధించాలని కేంద్రం ఇచ్చిన పిలుపుమేరకు ఈ అంశంపై ప్రజల్లో విస్తృత అవగాహన కల్పిస్తున్నామన్నారు.
సింగిల్ యూజ్ ప్లాస్టిక్‌ను నిర్మూలిస్తామని బ్యాంకు సిబ్బంది ప్రతిజ్ఞచేశారు. చెరువులు, పాఠశాలలు, ఆసుపత్రుల వద్ద పేరుకుపోయిన చెత్త ఏరివేతకు శ్రమదాన్‌ను నిర్వహిస్తున్నట్లు వారు చెప్పారు. ప్లాస్టిక్ రహిత సమాజం ఏర్పాటుకు కృషి చేస్తామని చెప్పారు.

READ SOURCE

⚡️Fastest Live Score

Never miss any exciting cricket moment

OPEN