కోహ్లీ కంటే జడేజానే చురుకు: ఫీల్డింగ్ కోచ్

NewsDaily

NewsDaily

Author 2019-10-27 17:51:49

భారత కెప్టెన్ విరాట్ కోహ్లీ కంటే రవీంద్ర జడేజానే బెస్ట్ ఫీల్డరని టీమిండియా ఫీల్డింగ్ కోచ్ ఆర్. శ్రీధర్ అభిప్రాయపడ్డాడు. ఇంగ్లాండ్ వేదికగా ఈ ఏడాది జరిగిన వన్డే ప్రపంచకప్‌లో కేవలం రెండు మ్యాచ్‌ల్లో మాత్రమే తుది జట్టులో అవకాశం దక్కించుకున్న జడేజా ఏకంగా 41 పరుగుల్ని జట్టుకి సేవ్‌ చేశాడు. ఇందులో 30 యార్డ్ సర్కిల్‌‌లో ఫీల్డింగ్ చేస్తూ రక్షించినవే 24 పరుగులు కావడం విశేషం. టోర్నీలో ఏ ఫీల్డర్ కూడా ఇన్ని పరుగుల్ని సేవ్ చేయలేదు. దీంతో.. ఈ దశాబ్దంలోనే భారత్ బెస్ట్ ఫీల్డర్ జడేజా అని ఆర్. శ్రీధర్ కితాబిచ్చాడు. ఇప్పటి వరకూ 146 అంతర్జాతీయ మ్యాచ్‌ల్లో జడేజా 133 క్యాచ్‌లు అందుకున్నాడు.

imgThird party image reference

‘మైదానంలో జడేజా చురుకుతనం జట్టులోనూ స్ఫూర్తి నింపుతుంటుంది. ప్రత్యర్థి బ్యాట్స్‌మెన్ వికెట్ల మధ్య పరుగు తీసే ముందు పునరాలోచించుకునేలా చేసే ఫీల్డర్లలో అతను ముందుంటాడు. టీమిండియా చరిత్రలో అని చెప్పలేను.. కానీ.. గత పదేళ్లలో జడేజానే భారత అత్యుత్తమ ఫీల్డర్. ఇక ప్రపంచవ్యాప్తంగా ప్రస్తుతం బెస్ట్ ఫీల్డర్లు అంటే..? రవీంద్ర జడేజా, మార్టిన్ గప్తిల్, విరాట్ కోహ్లీ, గ్లెన్ మాక్స్‌వెల్. ఈ నలుగుర్ని మైదానంలో ఎక్కడ ఫీల్డింగ్‌కి ఉంచినా.. అత్యుత్తమ ప్రదర్శన కనబరుస్తుంటారు’ అని శ్రీధర్ వెల్లడించాడు.

పవర్‌ప్లేలో 30 అడుగుల సర్కిల్‌లో ఫీల్డింగ్ చేసే విరాట్ కోహ్లీ.. ఆ తర్వాత లాంగాన్ లేదా లాంగాఫ్‌లో ఫీల్డింగ్‌కి వెళ్లిపోతాడు. కానీ.. జడేజా మాత్రం.. మ్యాచ్‌లో ముప్పావు వంతు పాయింట్‌లోనే ఫీల్డింగ్ చేస్తుంటాడు. ఆఖరి ఓవర్లలో మాత్రం.. మిడ్‌వికెట్ దిశగా ఫీల్డింగ్ చేస్తుంటాడు. ఇక పాయింట్, బౌండరీ లైన్స్‌ వద్ద క్యాచ్‌లు పట్టడంలో మాక్స్‌వెల్ ఎక్స్‌పర్ట్.. మిగిలిన మార్టిన్ గప్తిల్.. ధోనీని వరల్డ్‌కప్ సెమీ ఫైనల్లో కళ్లుచెదిరే రీతిలో రనౌట్ చేసి అందర్నీ ఆశ్చర్యపరిచిన విషయం తెలిసిందే.

READ SOURCE

Experience triple speed

Never miss the exciting moment of the game

DOWNLOAD