చిక్కుల్లో పాకిస్థాన్ కెప్టెన్ సర్ఫరాజ్ అహ్మద్

NewsDaily

NewsDaily

Author 2019-10-18 10:37:46

imgThird party image reference

శ్రీలంకతో ఇటీవల ముగిసిన టీ20 సిరీస్‌ని 0-3తో చేజార్చుకున్న పాకిస్థాన్ దిద్దుబాటు చర్యలకి దిగింది. ఈ మేరకు సర్ఫరాజ్ అహ్మద్‌ని కెప్టెన్సీ బాధ్యతల నుంచి వెంటనే తప్పించాలని చీఫ్ కోచ్, చీఫ్ సెలక్టర్‌గా ఉన్న మిస్బావుల్ హక్.. పాకిస్థాన్ క్రికెట్ బోర్డు (పీసీబీ)కి సూచించినట్లు వార్తలు వస్తున్నాయి. శ్రీలంకతో సిరీస్‌లో బ్యాటింగ్‌లో విఫలమైన

సర్ఫరాజ్ అహ్మద్.. కెప్టెన్‌గానూ తికమకకి గురై జట్టుని సమర్థంగా నడిపించలేకపోయాడు. దీంతో.. అతని కెప్టెన్సీపై తీవ్ర విమర్శలు వస్తున్నాయి.

వాస్తవానికి ఈ ఏడాది ప్రపంచకప్ ముగిసిన వెంటనే అతడిని కెప్టెన్సీ బాధ్యతల నుంచి పీసీబీ తప్పించే దిశగా అడుగులు వేసింది. అప్పటి కోచ్ మిక్కీ ఆర్థర్ కూడా సర్ఫరాజ్‌కి వ్యతిరేకంగా రిపోర్ట్ ఇచ్చాడు. కానీ.. అనూహ్యంగా కోచ్‌‌ని తప్పించిన పీసీబీ.. కెప్టెన్‌గా సర్ఫరాజ్‌ని కొనసాగించింది. అయితే.. తాజాగా సొంతగడ్డపై అదీ శ్రీలంక ద్వితీయ శ్రేణి జట్టు చేతిలో పాక్ ఓడిపోవడంపై పీసీబీ సీరియస్‌గా ఉన్నట్లు తెలుస్తోంది.

ఆస్ట్రేలియాతో త్వరలోనే పాకిస్థాన్ జట్టు సుదీర్ఘ సిరీస్ ఆడనుండగా.. అప్పటిలోపు ఈ కెప్టెన్సీ మార్పు పూర్తి చేయాలని పీసీబీ యోచిస్తున్నట్లు తెలుస్తోంది. ఒకవేళ సర్ఫరాజ్‌ కెప్టెన్సీపై వేటు పడితే.. టీ20, వన్డే కెప్టెన్‌గా బాబర్ అజామ్ ఎంపికయ్యే సూచనలు కనిపిస్తున్నాయి. ఇక టెస్టు కెప్టెన్సీ అజహర్ అలీ దక్కే అవకాశమున్నట్లు వార్తలు వస్తున్నాయి.

READ SOURCE

⚡️Fastest Live Score

Never miss any exciting cricket moment

OPEN