టీమిండియా ఘన విజయం.. Vizag Test‌లో దక్షిణాఫ్రికా కుదేలు

NewsDaily

NewsDaily

Author 2019-10-06 17:08:08

imgThird party image reference

దక్షిణాఫ్రికాతో టెస్టు సిరీస్‌ని ఘన విజయంతో టీమిండియా ఆరంభించింది. విశాఖపట్నం వేదికగా ఆదివారం ముగిసిన తొలి టెస్టు మ్యాచ్‌లో బ్యాటింగ్, బౌలింగ్‌లో సత్తా చాటిన భారత్ జట్టు 203 పరుగుల భారీ తేడాతో ఘన విజయాన్ని అందుకుంది. 395 పరుగుల లక్ష్య ఛేదనలో భాగంగా ఆటలో ఆఖరి రోజైన ఆదివారం 11/1తో రెండో ఇన్నింగ్స్‌ని కొనసాగించిన సఫారీలు.. భారత బౌలర్లు మహ్మద్ షమీ (5/35), రవీంద్ర జడేజా (4/87) దెబ్బకి 191 పరుగులకే ఆలౌటైపోయారు. దీంతో మూడు టెస్టుల సిరీస్‌లో భారత్ 1-0తో ఆధిక్యం సాధించగా.. రెండో టెస్టు మ్యాచ్ పుణె వేదికగా ఈనెల 10 నుంచి ప్రారంభంకానుంది. తాజా విజయంతో వరల్డ్ ఛాంపియన్‌షిప్ పాయింట్ల పట్టికలోనూ భారత్ జట్టు తన నెం.1 స్థానాన్ని మరింత సుస్థిరం చేసుకుంది.

గత బుధవారం ఆరంభమైన ఈ టెస్టు మ్యాచ్‌లో టాస్ గెలిచి తొలుత బ్యాటింగ్ చేసిన భారత్ జట్టు.. ఓపెనర్లు మయాంక్ అగర్వాల్ (215: 371 బంతుల్లో 23x4, 6x6), రోహిత్ శర్మ (176: 244 బంతుల్లో 23x4, 6x6) భారీ స్కోర్లు బాదడంతో తొలి ఇన్నింగ్స్‌ని 502/7తో డిక్లేర్ చేసింది. సఫారీ బౌలర్లలో కేవశ్ మహరాజ్ మూడు, ఫిలాండర్, ముత్తుసామి, డీన్ ఎల్గర్, డేన్ పైడ్ తలో వికెట్ తీశారు.

అనంతరం తొలి ఇన్నింగ్స్ ప్రారంభించిన దక్షిణాఫ్రికా కూడా 431 పరుగులతో భారత్‌కి బదులిచ్చింది. ఆ జట్టులో ఓపెనర్ డీన్ ఎల్గర్ (160: 287 బంతుల్లో 18x4, 4x6), వికెట్ కీపర్ డికాక్ (111: 163 బంతుల్లో 16x4, 2x6) సెంచరీలు సాధించగా.. కెప్టెన్ డుప్లెసిస్ (55: 103 బంతుల్లో 8x4, 1x6) హాఫ్ సెంచరీతో ఫర్వాలేదనిపించాడు. భారత బౌలర్లలో అశ్విన్ ఏడు వికెట్లు.. జడేజా రెండు, ఇషాంత్ ఒక వికెట్ తీశారు.

దక్షిణాఫ్రికా తొలి ఇన్నింగ్స్‌లో 431 పరుగులకి ఆలౌటవడంతో.. భారత్ జట్టుకి 71 పరుగుల తొలి ఇన్నింగ్స్ ఆధిక్యం లభించింది. అనంతరం రెండో ఇన్నింగ్స్ ప్రారంభించిన భారత్ జట్టులో ఓపెనర్ రోహిత్ శర్మ (127: 149 బంతుల్లో 10x4, 7x6) వరుసగా రెండో శతకం బాదగా.. చతేశ్వర్ పుజారా (81: 148 బంతుల్లో 13x4, 4x6) హాఫ్ సెంచరీ నమోదు చేశాడు. దీంతో.. రెండో ఇన్నింగ్స్‌ని 323/4 వద్ద కెప్టెన్ విరాట్ కోహ్లీ డిక్లేర్ చేయగా.. తొలి ఇన్నింగ్స్ ఆధిక్యం 71 పరుగులు కలుపుకుని మొత్తం 395 పరుగుల భారీ లక్ష్యం దక్షిణాఫ్రికా ముందు నిలిచింది.

395 పరుగుల లక్ష్య ఛేదన కష్టం కావడంతో ఆదివారం డ్రా కోసం దక్షిణాఫ్రికా తీవ్రంగా ప్రయత్నించింది. కానీ.. తొలి ఇన్నింగ్స్‌లో శతకం బాదిన డీన్ ఎల్గర్ (2) తక్కువ స్కోరుకే పెవిలియన్‌కి చేరిపోగా.. జడేజా, షమీ జోరుతో డిబ్రయిన్ (10), బవుమా (0), డుప్లెసిస్ (13), డికాక్ (0), డీన్ ఎల్గర్ (39), ఫిలాండర్ (0), కేశవ్ మహరాజ్ (0) వరుసగా వికెట్లు చేజార్చుకున్నారు. దీంతో.. ఈరోజు తొలి సెషన్‌లో సఫారీల రెండో ఇన్నింగ్స్ ముగిసేలా కనిపించింది. కానీ.. మొండిగా క్రీజులో నిలిచిన డేన్ పీట్ (56: 107 బంతుల్లో 9x4, 1x6), ముత్తుసామి (49 నాటౌట్: 108 బంతుల్లో 5x4) దాదాపు ఒక సెషన్ పాటు భారత బౌలర్ల సహనాన్ని పరీక్షించగా.. కగిసో రబాడ (18: 19 బంతుల్లో 3x4, 1x6) మెరుపులు మెరిపించి ఆఖరి వికెట్‌గా వెనుదిరిగాడు.

READ SOURCE

⚡️Fastest Live Score

Never miss any exciting cricket moment

OPEN