దక్షిణాఫ్రికాపై రోహిత్ శర్మ డబుల్ సెంచరీ.. ఔట్

NewsDaily

NewsDaily

Author 2019-10-20 15:49:32

దక్షిణాఫ్రికాతో రాంచీ వేదికగా జరుగుతున్న మూడో టెస్టు మ్యాచ్‌లో భారత ఓపెనర్ రోహిత్ శర్మ డబుల్ సెంచరీతో చెలరేగాడు. మ్యాచ్‌లో రెండో రోజైన ఆదివారం ఓవర్‌నైట్ వ్యక్తిగత స్కోరు 117తో ఈరోజు తొలి ఇన్నింగ్స్‌ని కొనసాగించిన రోహిత్ శర్మ 249 బంతుల్లోనే 28x4, 5x6 సాయంతో 200 పరుగుల మైలురాయిని అందుకున్నాడు. 2013 నుంచి టెస్టులు ఆడుతున్న రోహిత్ శర్మకి కెరీర్‌లో ఇదే ఫస్ట్ డబుల్ సెంచరీ కావడం విశేషం.

imgThird party image reference

199 పరుగుల వద్ద ఎంగిడి బౌలింగ్‌లో సిక్స్‌తో ద్విశతకాన్ని అందుకున్న రోహిత్ శర్మ (212: 255 బంతుల్లో 28x4, 6x6) ఆ ఓవర్‌లోనే మరో సిక్స్ బాదాడు. కానీ.. ఆ తర్వాత ఓవర్ వేసిన రబాడ బౌలింగ్‌లో ఫస్ట్ బాల్‌కే సిక్స్ కొట్టే ప్రయత్నంలో బౌండరీ లైన్ వద్ద ఫీల్డర్ ఎంగిడి చేతికి చిక్కాడు. దీంతో.. రోహిత్ శర్మ భారీ ఇన్నింగ్స్‌కి తెరపడింది.

ఆటలో తొలిరోజైన శనివారం మయాంక్ అగర్వాల్ (10), చతేశ్వర్ పుజారా (0), విరాట్ కోహ్లి (12) మొదటి సెషన్‌లోనే ఔటవడంతో.. భారత్ 39/3తో నిలిచింది. ఈ దశలో అజింక్య రహానె (115: 192 బంతుల్లో 17x4, 1x6)‌తో కలిసి భారత్ ఇన్నింగ్స్‌ని నిర్మించిన రోహిత్ శర్మ భారీ స్కోరుకి బాటలు వేశాడు. రహానెతో కలిసి నాలుగో వికెట్‌కి అభేద్యంగా 267 పరుగుల భాగస్వామ్యాన్ని రోహిత్ శర్మ నెలకొల్పడంతో.. భారత్ జట్టు రెండో సెషన్‌లో 88.1 ఓవర్లు ముగిసే సమయానికి 370/5తో నిలిచింది.

దక్షిణాఫ్రికాతో ఇటీవల విశాఖపట్నం వేదికగా జరిగిన తొలి టెస్టు మ్యాచ్‌‌లో రెండు ఇన్నింగ్స్‌లోనూ సెంచరీలు బాదిన రోహిత్ శర్మ.. తాజా సిరీస్‌లో అత్యధిక సిక్సర్లు బాదిన బ్యాట్స్‌మెన్‌గానూ కొనసాగుతున్నాడు. అంతేకాకుండా.. దక్షిణాఫ్రికాపై ఓ టెస్టు సిరీస్‌లో రెండు సార్లు 150+ స్కోరు చేసిన తొలి ఓపెనర్‌గా రోహిత్ శర్మ అరుదైన ఘనత సాధించాడు.

READ SOURCE

Experience triple speed

Never miss the exciting moment of the game

DOWNLOAD