దక్షిణాఫ్రికా 162 ఆలౌట్.. భారత్ ఆధిక్యం 335

Telangana News

Telangana News

Author 2019-10-21 17:42:51

imgThird party image reference

రాంచీ వేదికగా దక్షిణాఫ్రికాతో జరుగుతున్న మూడో టెస్టు మ్యాచ్‌లో భారత్ జట్టుకి 335 పరుగుల తొలి ఇన్నింగ్స్ ఆధిక్యం లభించింది. ఆటలో మూడో రోజైన సోమవారం ఓవర్‌నైట్ స్కోరు 9/2తో తొలి ఇన్నింగ్స్‌ని కొనసాగించిన దక్షిణాఫ్రికా రెండో సెషన్‌లోనే 162 పరుగులకి ఆలౌటైంది.

ఆ జట్టులో హజ్మా (62: 79 బంతుల్లో 10x4, 1x6) మాత్రమే హాఫ్ సెంచరీతో ఫర్వాలేదనపించగా.. జార్జ్ లిండే (37: 81 బంతుల్లో 3x4, 1x6), బవుమా (32: 72 బంతుల్లో 5x4) కాసేపు టీమిండియా సహనాన్ని పరీక్షించారు. భారత బౌలర్లలో ఉమేశ్ యాదవ్ మూడు వికెట్లు పడగొట్టగా.. నదీమ్, జడేజా, షమీ తలో రెండేసి వికెట్లు పడగొట్టారు. కగిసో రబాడ రనౌట్‌గా వెనుదిరిగాడు. భారత్ తొలి ఇన్నింగ్స్‌ని 497/9తో డిక్లేర్ చేసిన విషయం తెలిసిందే.

ఈరోజు తొలి సెషన్ మొదటి ఓవర్‌లోనే డుప్లెసిస్ (1)ని ఔట్ చేయడం ద్వారా దక్షిణాఫ్రికాకి ఉమేశ్ యాదవ్ షాకివ్వగా.. అనంతరం వచ్చిన బవుమా‌తో కలిసి హజ్మా కాసేపు నిలకడగా ఆడాడు. కానీ.. బవుమాకి నదీమ్ చెక్ చెప్పగా.. హజ్మాని జడేజా బోల్తా కొట్టించేశాడు. ఇక కెరీర్‌లో తొలి టెస్టు మ్యాచ్ ఆడుతున్న హెన్రిచ్ క్లాసెన్ (6) జడేజా బౌలింగ్‌లో పేలవంగా బౌల్డయి నిరాశపరిచాడు.

డేన్ పైట్ (0), ఆన్రిచ్ నార్తేజ్ (4), కగిసో రబాడ (0) ఇలా వచ్చి అలా వెళ్లిపోవడంతో.. సఫారీలు తక్కువ స్కోరుతోనే సరిపెట్టుకోవాల్సి వచ్చింది. 335 పరుగుల తొలి ఇన్నింగ్స్ ఆధిక్యం లభించడంతో.. దక్షిణాఫ్రికాని టీమిండియా ఫాలోఆన్‌ ఆడిస్తోంది. ఇటీవల ముగిసిన పుణె టెస్టులోనూ సఫారీలు ఫాలోఆన్ ఆడి ఓడిపోయిన విషయం తెలిసిందే.

READ SOURCE

Experience triple speed

Never miss the exciting moment of the game

DOWNLOAD