ధోని ఆడనికి కాదు చూడనికి వచ్చాడు

NewsDaily

NewsDaily

Author 2019-10-18 14:27:38

భారత్, దక్షిణాఫ్రికా మధ్య శనివారం నుంచి రాంచీ వేదికగా ప్రారంభంకానున్న ఆఖరి టెస్టు మ్యాచ్‌కి టీమిండియా మాజీ కెప్టెన్ మహేంద్రసింగ్ ధోనీ హాజరుకానున్నాడు. 2014, డిసెంబరులో టెస్టు క్రికెట్‌కి రిటైర్మెంట్ ప్రకటించిన ధోనీని ఈ టెస్టు మ్యాచ్‌ కోసం ప్రత్యేకంగా జార్ఖండ్‌ స్టేట్ క్రికెట్ అసోషియేషన్ (జేఎస్‌సీఏ) ఆహ్వానించినట్లు తెలుస్తోంది. దీంతో.. మ్యాచ్‌లో తొలిరోజైన శనివారం రాంచీ స్టేడియానికి రానున్న ధోనీ.. అభిమానుల మధ్యలో కూర్చుని ప్రత్యక్షంగా మ్యాచ్‌ని వీక్షించనున్నాడు.

imgThird party image reference

దక్షిణాఫ్రికాతో జరుగుతున్న మూడు టెస్టుల సిరీస్‌ని ఇప్పటికే 2-0తో చేజిక్కించుకున్న టీమిండియా.. ఆఖరి మ్యాచ్‌లోనూ గెలిచి క్లీన్‌స్వీప్ చేయాలని ఉవ్విళ్లూరుతోంది. మరోవైపు విశాఖపట్నం టెస్టులో కాస్త ఫర్వాలేదనిపించిన సఫారీలు.. పుణె టెస్టులో మాత్రం తేలిపోయారు. దీంతో.. కనీసం రాంచీలోనైనా గట్టి పోటీనిచ్చి పరువు నిలుపుకోవాలని ఆ జట్టు ఆశిస్తోంది.

కానీ.. రాంచీ పిచ్‌ పూర్తిగా స్పిన్నర్లకి అనుకూలించనుందనే వార్తలు వస్తున్నాయి. దీంతో.. మరోసారి సఫారీలపై భారత స్పిన్నర్లు రవీంద్ర జడేజా, రవిచంద్రన్ అశ్విన్ ఆధిపత్యం చెలాయించే సూచనలు కనిపిస్తున్నాయి. ఇప్పటికే ఆడిన రెండు టెస్టు మ్యాచ్‌ల్లో ఈ ఇద్దరూ కలిపి 24 వికెట్లు పడగొట్టారు. వీరికి తోడు.. ఒక పేసర్ (ఇషాంత్ శర్మ)ని తప్పించి.. అదనంగా మరో స్పిన్నర్ కుల్దీప్ యాదవ్‌ని కూడా తీసుకోవాలనే ఆలోచనలో టీమిండియా మేనేజ్‌మెంట్ ఉన్నట్లు తెలుస్తోంది.

రాంచీ టెస్టుకి ధోనీతో పాటు సీఆర్‌పీఎఫ్, జార్ఖండ్ పోలీస్‌లు కూడా భారీ సంఖ్యలో హాజరుకానున్నారు. మొత్తంగా.. విద్యార్థులు, పోలీసులకి కలిపి జేఎస్‌సీఏ ఏకంగా 5వేల కాంప్లిమెంటరీ పాస్‌లను అందజేసింది. దీంతో.. స్టేడియంలో పెద్ద ఎత్తున అభిమానులు టీమిండియాకి మద్దతు తెలపనున్నారు. ధోనీని స్టేడియానికి ఆహ్వానించడం ద్వారా.. మ్యాచ్ వీక్షకుల సంఖ్య పెంచడం కూడా జేఎస్‌సీఏ లక్ష్యమని తెలుస్తోంది.

READ SOURCE

⚡️Fastest Live Score

Never miss any exciting cricket moment

OPEN