ధోనీకి ఆ విషయం బాగా తెలుసు

NewsDaily

NewsDaily

Author 2019-10-15 15:53:08

మహేంద్రసింగ్ ధోనీ రిటైర్మెంట్‌ రూమర్స్‌పై ఐపీఎల్‌లో చెన్నై సూపర్ కింగ్స్ స్టార్ బ్యాట్స్‌మెన్ షేన్ వాట్సన్ స్పందించాడు. ఏ సమయంలో రిటైర్మెంట్ తీసుకోవాలో అతనికి బాగా తెలుసునని వాట్సన్ చెప్పుకొచ్చాడు.

imgThird party image reference

భారత మాజీ కెప్టెన్ మహేంద్రసింగ్ ధోనీకి రిటైర్మెంట్ గురించి ఆలోచించే సమయం వచ్చేసిందని ఆస్ట్రేలియా మాజీ క్రికెటర్ షేన్ వాట్సన్ అభిప్రాయపడ్డాడు. ఇంగ్లాండ్ వేదికగా ఇటీవల ముగిసిన వన్డే ప్రపంచకప్‌ తర్వాత ధోనీ రిటైర్మెంట్ ప్రకటించేస్తాడని వార్తలు వచ్చాయి. కానీ.. వరల్డ్‌ కప్ తర్వాత టీమిండియాకి పూర్తిగా దూరంగా ఉంటున్న ధోనీ వీడ్కోలు నిర్ణయంపై మౌనం వహిస్తున్నాడు. మరోవైపు గాయం కారణంగానే భారత్ జట్టుకి ధోనీ దూరంగా ఉంటున్నాడనే వార్తలూ వినిపిస్తున్నాయి. నవంబరు 3 నుంచి బంగ్లాదేశ్‌తో మూడు టీ20ల సిరీస్ ప్రారంభంకానుండగా.. ఈ సిరీస్‌కి ధోనీ దూరంగా ఉండనున్నట్లు తెలుస్తోంది. దీంతో.. ఈ ఏడాది డిసెంబరులో వెస్టిండీస్‌తో జరిగే సిరీస్‌లోనూ ఈ మాజీ కెప్టెన్ ఆడటంపై అనుమానాలు నెలకొన్నాయి.

ధోనీ రిటైర్మెంట్ సందిగ్ధతపై తాజాగా షేన్ వాట్సన్ మాట్లాడుతూ ‘ధోనీ ఇప్పటికీ వికెట్ల మధ్య చురుగ్గా పరుగెత్తగలుగుతున్నాడు. కీపింగ్‌లోనూ అతనికి తిరుగులేదు. కానీ.. రిటైర్మెంట్ గురించి ఇప్పుడు ఆలోచించక తప్పదు. వీడ్కోలు విషయంలో అతను ఏ నిర్ణయం తీసుకున్నా.. అది సరైనదే. ఎందుకంటే భవిష్యత్ ఎలా ఉండబోతుందో..? ధోనీకి బాగా తెలుసు’ అని వాట్సన్ వెల్లడించాడు.

ఐపీఎల్‌లో గత రెండు సీజన్లుగా ధోనీ కెప్టెన్సీలోనే చెన్నై సూపర్ కింగ్స్‌కి షేన్ వాట్సన్ ఆడుతున్నాడు. ఈ ఏడాది ముంబయి ఇండియన్స్‌తో జరిగిన ఫైనల్ మ్యాచ్‌లోనూ చెన్నైని గెలిపించేందుకు వాట్సన్ ప్రయత్నించాడు. కానీ.. ఆఖరి ఓవర్‌లో వాట్సన్ రనౌటవగా.. ఒత్తిడికి గురైన చెన్నై ఒక పరుగు తేడాతో ఓడి టైటిల్‌ని చేజార్చుకుంది.

READ SOURCE

⚡️Fastest Live Score

Never miss any exciting cricket moment

OPEN