ధోనీ రిటైర్మెంట్ ట్రెండింగ్.. ఫ్యాన్స్ భావోద్వేగం

NewsDaily

NewsDaily

Author 2019-10-29 13:10:52

imgThird party image reference

టీమిండియా మాజీ కెప్టెన్ మహేంద్రసింగ్ ధోనీ రిటైర్మెంట్‌పై జరిగినంత చర్చ.. ఈ ఏడాది భారత క్రికెట్‌లో మరి దేని గురించీ జరగలేదేమో..? ఇంగ్లాండ్ వేదికగా వన్డే ప్రపంచకప్ ముగిసిన తర్వాత ధోనీ రిటైర్మెంట్ ప్రకటిస్తాడని అంతా ఊహించారు. కానీ.. టోర్నీ ముగిసి మూడు నెలలు గడుస్తున్నా.. ఈ మాజీ కెప్టెన్ మాత్రం వీడ్కోలుపై పెదవి విప్పడం లేదు. మరోవైపు భారత సెలక్టర్లు.. ధోనీని పక్కనపెట్టి వరుసగా రిషబ్ పంత్, సంజు శాంసన్‌లకి టీ20ల్లో కీపర్లుగా అవకాశమిస్తున్నారు. దీంతో.. ధోనీ కెరీర్‌ ఇక ముగిసిపోయిందని మాజీ క్రికెటర్లు సైతం అభిప్రాయపడుతున్నారు.

బంగ్లాదేశ్‌తో నవంబరు 3 నుంచి ప్రారంభంకానున్న మూడు టీ20ల సిరీస్‌కి ధోనీని సెలక్టర్లు ఎంపిక చేయలేదు. అతని స్థానంలో రిషబ్ పంత్, సంజు శాంసన్‌లను కీపర్లుగా ఎంపిక చేశారు. ఇద్దరిలో ఒకరికే తుది జట్టులో అవకాశం దక్కుతుందా..? లేదా ఇద్దరికీనా అనే దానిపై ఇంకా స్పష్టత రావడం లేదు. కానీ.. బంగ్లాదేశ్‌తో సిరీస్‌తో పాటు డిసెంబరులో వెస్టిండీస్‌తో జరగనున్న సిరీస్‌కి కూడా ధోనీ దూరంగా ఉండనున్నట్లు వార్తలు వస్తున్నాయి. దీంతో ధోనీ రిటైర్మెంట్ ప్రకటించినట్లు తాజాగా సోషల్ మీడియాలో పోస్ట్‌లు హల్‌చల్ చేస్తున్నాయి.

ధోనీ రిటైర్మెంట్‌ గురించి అభిమానులు సోషల్ మీడియాలో ఎక్కువగా చర్చించడంతో #Dhoniretires అనే హ్యాష్ ట్యాగ్ టాప్ ట్రెండ్‌గా మారింది. ఈ క్రమంలో కొందరు అభిమానులు ధోనీ ఘనతల్ని గుర్తు చేసుకుంటూ పోస్ట్‌లు పెడుతుండగా.. మరికొందరు ధోనీ విమర్శకుల రియాక్షన్‌ ఇలా ఉంటుందంటూ సెటైరికల్‌గా స్పందిస్తున్నారు. మొత్తానికి.. ధోనీ రిటైర్మెంట్‌పై చర్చ మరోసారి పతాక స్థాయికి చేరింది. ఇటీవల ఈ రిటైర్మెంట్ రూమర్స్‌కి ధోనీ భార్య సాక్షి చెక్ చెప్పగా.. ఇప్పుడు ఎవరు స్పందిస్తారో..? చూడాలి.

READ SOURCE

Experience triple speed

Never miss the exciting moment of the game

DOWNLOAD