బంగ్లాతో టీ20లకి కోహ్లీ దూరం.. కెప్టెన్‌గా రోహిత్

NewsDaily

NewsDaily

Author 2019-10-20 11:47:54

బంగ్లాదేశ్‌తో నవంబరు 3 నుంచి ప్రారంభంకానున్న టీ20 సిరీస్‌కి భారత కెప్టెన్ విరాట్ కోహ్లీ దూరమయ్యే సూచనలు కనిపిస్తున్నాయి. ఈ ఏడాది మార్చి నుంచి అవిశ్రాంతంగా మ్యాచ్‌లు ఆడుతున్న విరాట్ కోహ్లీ‌కి ఈ సిరీస్‌ నుంచి విశ్రాంతి ఇవ్వాలని భారత సెలక్టర్లు నిర్ణయించినట్లు తెలుస్తోంది. దీంతో.. రోహిత్ శర్మ కెప్టెన్‌గా టీ20 జట్టుని నడిపించే అవకాశం ఉంది.

imgThird party image reference

ఈ ఏడాది జనవరిలో న్యూజిలాండ్‌తో జరిగిన వన్డే, టీ20 సిరీస్‌లో కొన్ని మ్యాచ్‌లకి రెస్ట్ తీసుకున్న విరాట్ కోహ్లీ ఆ తర్వాత వరుసగా మ్యాచ్‌లు ఆడుతూనే ఉన్నాడు. కివీస్ పర్యటన తర్వాత ఆస్ట్రేలియా, ఐపీఎల్ 2019, వరల్డ్‌ కప్ 2019, వెస్టిండీస్ టూర్.. తాజాగా దక్షిణాఫ్రికాతో సిరీస్‌‌లో భారత్ కెప్టెన్‌ ఆడుతున్నాడు. దీంతో.. వచ్చే ఏడాది టీ20 ప్రపంచకప్ నేపథ్యంలో.. కోహ్లీకి కాస్త విశ్రాంతినివ్వాలని సెలక్టర్లు చర్చించినట్లు తెలుస్తోంది.

వాస్తవానికి వరల్డ్ కప్ ముగిసిన తర్వాత వెస్టిండీస్‌తో జరిగిన వన్డే, టీ20 సిరీస్‌లోనే కోహ్లీకి రెస్ట్ ఇవ్వాలని సెలక్టర్లు నిర్ణయించారు. కానీ.. టీమ్ సెలక్షన్‌కి రెండు రోజుల మందు తనకి విశ్రాంతి అవసరం లేదని కోహ్లీ స్పష్టం చేశాడు. గత రెండేళ్లుగా కోహ్లీ జట్టుకి దూరమైన సమయంలో టీ20ల్లో కెప్టెన్‌గా టీమ్‌ని నడిపిస్తున్న రోహిత్ శర్మకి బంగ్లాదేశ్‌పై మరోసారి అవకాశం దక్కనుంది.

READ SOURCE

Experience triple speed

Never miss the exciting moment of the game

DOWNLOAD