రాంచీలో ఈరోజు ఫస్ట్ ఓవర్‌లోనే భారత్‌కి వికెట్

NewsDaily

NewsDaily

Author 2019-10-21 13:58:59

దక్షిణాఫ్రికాతో రాంచీ వేదికగా జరుగుతున్న మూడో టెస్టు మ్యాచ్‌లో ఈరోజు తొలి సెషన్‌లోనే భారత్‌కి మెరుపు ఆరంభం లభించింది. ఆటలో మూడో రోజైన సోమవారం.. 9/2తో మొదటి ఇన్నింగ్స్‌ని కొనసాగించిన దక్షిణాఫ్రికా జట్టు 16 పరుగుల వద్దే కెప్టెన్ డుప్లెసిస్ రూపంలో మూడో వికెట్ చేజార్చుకుంది. ఆదివారం ఆఖరి సెషన్‌లో ఓపెనర్లు డీన్ ఎల్గర్ (0), డికాక్ (4) వరుస ఓవర్లలో ఔటైన విషయం తెలిసిందే.

imgThird party image reference

ఈ రోజు తొలి సెషన్ మొదటి ఓవర్ వేసిన ఫాస్ట్ బౌలర్ ఉమేశ్ యాదవ్ బౌలింగ్‌లో సఫారీ కెప్టెన్ డుప్లెసిస్ (1: 9 బంతుల్లో) క్లీన్ బౌల్డయ్యాడు. లైగ్ స్టంప్‌ లైన్‌పై బంతులు విసురుతూ వచ్చిన ఉమేశ్ బౌలింగ్‌లో బంతిని అంచనా వేయడంలో తడబడిన డుప్లెసిస్.. పేలవంగా వికెట్ చేజార్చుకున్నాడు. వైజాగ్ టెస్టులోనూ మహ్మద్ షమీ బౌలింగ్‌లో బంతి ఆఫ్ స్టంప్‌కి దూరంగా వెళ్తోందని డుప్లెసిస్ వదిలేయగా.. అనూహ్యంగా టర్న్ తీసుకున్న బంతి ఆఫ్ స్టంప్‌ని ఎగరగొట్టిన విషయం తెలిసిందే.

ప్రస్తుతం క్రీజులో హజ్మా (11 బ్యాటింగ్: 27 బంతుల్లో 2x4), తెంబ బవుమా (9 బ్యాటింగ్: 12 బంతుల్లో 2x4) ఉండగా.. దక్షిణాఫ్రికా 9.3 ఓవర్లు ముగిసే సమయానికి 29/3తో కొనసాగుతోంది. ఆ జట్టు భారత్ కంటే ఇంకా తొలి ఇన్నింగ్స్‌లో 468 పరుగులు వెనకబడి ఉంది. ఆదివారం టీమిండియా తన తొలి ఇన్నింగ్స్‌ని 497/9తో డిక్లేర్ చేసింది.

READ SOURCE

Experience triple speed

Never miss the exciting moment of the game

DOWNLOAD