రాంచీ‌లో రహానె శతకం.. భారీ స్కోరు‌కి బాటలు

NewsDaily

NewsDaily

Author 2019-10-20 15:51:59

దక్షిణాఫ్రికాతో రాంచీ వేదికగా జరుగుతున్న మూడో టెస్టు మ్యాచ్‌లో టీమిండియా వైస్ కెప్టెన్ అజింక్య రహానె (100 బ్యాటింగ్: 169 బంతుల్లో 14x4, 1x6) సెంచరీతో చెలరేగాడు. ఆటలో రెండో రోజైన ఆదివారం ఓవర్ నైట్ వ్యక్తిగత స్కోరు 83 పరుగుల వద్ద తొలి ఇన్నింగ్స్‌ని కొనసాగించిన అజింక్య రహానె.. ఈరోజు తొలి సెషన్ ఆరంభంలోనే శతకం మార్క్‌ని అందుకున్నాడు. రహానె టెస్టు కెరీర్‌లో ఇది 11వ శతకం.

imgThird party image reference

ఆటలో తొలి రోజైన శనివారం మొదటి సెషన్ ఆరంభంలోనే ఓపెనర్ మయాంక్ అగర్వాల్ (10), చతేశ్వర్ పుజారా (0), విరాట్ కోహ్లి (12) ఔటవడంతో భారత్ జట్టు 39/3తో ఒత్తిడిలో పడింది. కానీ.. ఈ దశలో క్రీజులోకి వచ్చిన అజింక్య రహానె.. ఓపెనర్ రోహిత్ శర్మ (148 బ్యాటింగ్: 194 బంతుల్లో 21x4, 4x6)తో కలిసి సమయోచిత ఇన్నింగ్స్‌ ఆడుతున్నాడు. ఈ క్రమంలో నాలుగో వికెట్‌కి రోహిత్ శర్మతో కలిసి అజేయంగా 233 పరుగుల భాగస్వామ్యాన్ని రహానె నెలకొల్పగా.. భారత్ 68.5 ఓవర్లలో 272/3తో భారీ స్కోరుకి బాటలు వేసుకుంది.

భారత్ గడ్డపై 2016 అక్టోబరులో ఆఖరిగా టెస్టు సెంచరీ సాధించిన అజింక్య రహానె.. ఎట్టకేలకి మూడేళ్ల తర్వాత మళ్లీ మూడంకెల స్కోరుని అందుకున్నాడు. మొత్తంగా.. ఇండియాలో రహానెకి ఇది 4వ టెస్టు శతకం.. టెస్టు కెరీర్‌లో 11వ సెంచరీ. ఇందులో మూడు దక్షిణాఫ్రికాపైనే చేసి ఉండటం విశేషం.

READ SOURCE

Experience triple speed

Never miss the exciting moment of the game

DOWNLOAD