విండీస్‌పై వన్డే సిరీస్ నెగ్గిన మిథాలీసేన

Namasthe Telangana

Namasthe Telangana

Author 2019-11-08 05:09:00

img
నార్త్‌సాండ్: ఆల్‌రౌండ్ ప్రదర్శనతో అదరగొట్టిన భారత మహిళల జట్టు వెస్టిండీస్‌తో జరిగిన మూడు వన్డేల సిరీస్‌ను 2-1తో కైవసం చేసుకుంది. బుధవారం రాత్రి జరిగిన చివరి వన్డేలో మిథాలీ సేన 6 వికెట్ల తేడాతో గెలిచింది. ఓపెనర్లు స్మృతి మంధన (63 బంతుల్లో 74; 9 ఫోర్లు, 3 సిక్సర్లు), జెమీమా రోడ్రిగ్స్ (69; 6 ఫోర్లు) అర్ధశతకాలతో కదంతొక్కడంతో భారత జట్టు అలవోకగా విజయాన్నందుకుంది. వీరిద్దరూ తొలి వికెట్‌కు 141 పరుగులు జోడించడంతో భారత్ 42.1 ఓవర్లలో 4 వికెట్లు మాత్రమే కోల్పోయి 195 పరుగులు చేసి సిరీస్ చేజిక్కించుకుంది. గాయం కారణంగా సిరీస్‌లోని తొలి రెండు మ్యాచ్‌లకు దూరమైన ప్లేయర్ ఆఫ్ ది మ్యాచ్ స్మృతి.. వచ్చీరాగానే విండీస్‌పై విరుచుకుపడింది. పూనమ్ రౌత్ (24), కెప్టెన్ మిథాలీ రాజ్ (20) ఫర్వాలేదనిపించారు. అంతకుముందు విండీస్ 50 ఓవర్లలో 194 పరుగులకు ఆలౌటైంది. కెప్టెన్ స్టెఫానీ టేలర్ (79) టాప్‌స్కోరర్. భారత బౌలర్లలో జులన్ గోస్వామి, పూనమ్ యాదవ్ చెరో 2 వికెట్లు పడగొట్టారు. ఇరు జట్ల మధ్య ఆదివారం నుంచి ఐదు మ్యాచ్‌ల టీ20 సిరీస్ ప్రారంభం కానుంది.
img

READ SOURCE

Experience triple speed

Never miss the exciting moment of the game

DOWNLOAD