సర్జరీ తర్వాత హార్దిక్ బుడి బుడి అడుగులు..

NewsDaily

NewsDaily

Author 2019-10-09 14:23:40

వెన్నునొప్పి గాయం కారణంగా దక్షిణఫ్రికాతో టెస్టు సిరీస్‌కి దూరమైన ఆల్‌రౌండర్ హార్దిక్ పాండ్య.. సర్జరీ తర్వాత చిన్నగా నడవడం ప్రారంభించాడు. ఈ ఏడాది మొత్తం.. ఈ ఆల్‌రౌండర్ క్రికెటర్‌కి దూరంగా ఉండే సూచనలు కనిపిస్తున్నాయి.

imgThird party image reference

భారత ఆల్‌రౌండర్ హార్దిక్ పాండ్య సర్జరీ తర్వాత ఫిట్‌నెస్ సాధించే దిశగా తొలి అడుగు వేశాడు. ఏడాది కాలంగా వెన్నునొప్పితో బాధపడుతున్న హార్దిక్ పాండ్యా.. బ్రిటన్‌లో గత శనివారం తన వెన్ను కింది భాగంలో సర్జరీ చేయించుకున్న విషయం తెలిసిందే. సర్జరీ తర్వాత రెండు రోజుల పాటు బెడ్‌ రెస్ట్‌ తీసుకున్న ఈ ఆల్‌రౌండర్ తాజాగా సహాయకుడి సపోర్ట్‌తో చిన్నగా నడవడం ప్రారంభించాడు.

‘బుడి బుడి అడుగులు.. కానీ.. పూర్తిగా ఫిట్‌నెస్ సాధించేందుకు ఇక్కడ నుంచే నా ప్రయాణం ఇప్పుడు మొదలైంది. నాకు మద్దతుగా నిలిచిన వారందరికీ ధన్యవాదాలు’ అని వీడియోతో కలిపి హార్దిక్ పాండ్యా ఓ ట్వీట్ చేశాడు. భారత్ జట్టు ప్రస్తుతం దక్షిణాఫ్రికాతో టెస్టు సిరీస్ ఆడుతుండగా.. గాయం కారణంగానే ఈ సిరీస్‌కి హార్దిక్ పాండ్యా దూరమయ్యాడు.

హార్దిక్ పాండ్యా వెన్ను కింది భాగంలో సర్జరీ కావడంతో కనీసం మూడు నెలల పాటు క్రికెట్‌కి దూరంగా ఉండాలని వైద్యులు సూచించినట్లు తెలుస్తోంది. దీంతో.. ఈ ఏడాది నవంబరులో బంగ్లాదేశ్‌తో జరగనున్న సిరీస్‌తో పాటు డిసెంబరులో వెస్టిండీస్‌‌తో జరగనున్న సిరీస్‌కీ కూడా ఈ ఆల్‌రౌండర్‌ దూరంగా ఉండే అవకాశం ఉంది. వచ్చే ఏడాది ఐపీఎల్, టీ20 ప్రపంచకప్ జరగనున్న నేపథ్యంలో.. ఈ ఏడాదే సర్జరీ చేసుకోవాలని హార్దిక్ పాండ్యా నిర్ణయించుకున్నాడు.

READ SOURCE

Experience triple speed

Never miss the exciting moment of the game

DOWNLOAD