MS Dhoni ఫన్నీ ప్రాక్టీస్ వెనుక పాక్‌ని ఓడించే వ్యూహం

NewsDaily

NewsDaily

Author 2019-10-18 14:19:18

భారత మాజీ కెప్టెన్ మహేంద్రసింగ్ ధోనీ వ్యూహ చతురత గురించి అందరికీ తెలిసిందే. క్రీజులోని ప్రత్యర్థి బ్యాట్స్‌మెన్‌ కదలికలకి అనుగుణంగా.. వికెట్ల వెనుక వ్యూహాలు రచించే ధోనీ.. 2007 టీ20 ప్రపంచకప్‌ సమయంలో ఫన్నీగా టీమ్‌తో ప్రాక్టీస్ చేయించిన ‘బౌలౌట్’ పాక్‌పై విజయానికి దోహాదపడింది. ఈ విషయాన్ని తాజాగా ధోనీనే స్వయంగా వెల్లడించాడు.

imgThird party image reference

టీ20 ప్రపంచకప్‌లో భాగంగా 2007, సెప్టెంబరు 14న భారత్, పాకిస్థాన్ జట్లు గ్రూప్ దశలో తలపడ్డాయి. ఈ మ్యాచ్‌లో టాస్ గెలిచిన పాకిస్థాన్.. టీమిండియాని బ్యాటింగ్‌కి ఆహ్వానించింది. దీంతో.. మొదట బ్యాటింగ్ చేసిన భారత్ జట్టు నిర్ణీత 20 ఓవర్లలో 9 వికెట్ల నష్టానికి 141 పరుగులు చేసింది. ఆ తర్వాత ఛేదనకు దిగిన పాకిస్థాన్ కూడా సరిగ్గా 20 ఓవర్లలో 7 వికెట్ల నష్టానికి 141 పరుగులే చేయగలిగింది. దీంతో.. స్కోర్లు సమమవగా.. ప్రపంచకప్‌లో తొలిసారి ‘బౌలౌట్’ విధానం తెరపైకి వచ్చింది.

భారత్ తరఫున వీరేంద్ర సెహ్వాగ్, హర్భజన్ సింగ్, రాబిన్ ఉతప్ప బౌలింగ్ చేయగా.. ముగ్గురూ వికెట్లను గీరాటేశారు. మరోవైపు పాకిస్థాన్ బౌలర్లు అర్ఫాట్, ఉమర్ గుల్, అఫ్రిది వికెట్లకి దూరంగా బంతులు విసిరి వరుసగా మూడు అవకాశాల్ని చేజార్చడంతో భారత్ 3-0 తేడాతో బౌలౌట్ పద్ధతిలో మ్యాచ్‌ని గెలుపొందింది. ఆ తర్వాత టోర్నీ ఫైనల్లోనూ 5 పరుగుల తేడాతో పాక్‌పై గెలుపొందిన భారత్ జట్టు.. తొలి టీ20 ప్రపంచకప్ విజేతగా నిలిచిన విషయం తెలిసిందే.

ఈ బౌలౌట్ గురించి తాజాగా ధోనీ మాట్లాడుతూ ‘నాకు ఇప్పటికీ గుర్తుంది.. ప్రాక్టీస్ సెషన్‌కి ముందు.. ఆ తర్వాత బౌలౌట్‌ని సరదాగా ప్రాక్టీస్ చేసేవాళ్లం. వాస్తవానికి మేము ఫన్నీగానే ప్రాక్టీస్ చేసినా ఒకవేళ బౌలౌట్‌ పరిస్థితి ఎదురైతే..? ఎవరు ఎక్కుసార్లు వికెట్లపైకి బంతిని విసురుతారో వాళ్లని ఉపయోగించుకోవాలని అనుకున్నాం’ అని వెల్లడించాడు.

READ SOURCE

⚡️Fastest Live Score

Never miss any exciting cricket moment

OPEN