Rohit Century: వైజాగ్‌లో రోహిత్ జోరు.. సఫారీలకి చుక్కలు

NewsDaily

NewsDaily

Author 2019-10-02 16:21:52

దక్షిణాఫ్రికాతో విశాఖపట్నం వేదికగా బుధవారం ఆరంభమైన తొలి టెస్టు మ్యాచ్‌లో భారత ఓపెనర్ రోహిత్ శర్మ దూకుడుగా ఆడుతున్నాడు. 12 ఏళ్ల సుదీర్ఘ క్రికెట్ కెరీర్‌లో తొలిసారి టెస్టుల్లో ఓపెనర్‌గా ఆడుతున్న రోహిత్ శర్మ (101 నాటౌట్: 154 బంతుల్లో 10x4, 4x6) సెంచరీ బాదడంతో భారత్ జట్టు 55 ఓవర్లు ముగిసే సమయానికి 137/0తో తిరుగులేని స్థితిలో నిలిచింది. రోహిత్‌‌తో పాటు మరో ఓపెనర్ మయాంక్ అగర్వాల్ (79 నాటౌట్: 138 బంతుల్లో 10x4, 2x6) నిలకడగా ఆడుతున్నాడు. మ్యాచ్‌లో టాస్ గెలిచిన భారత్ కెప్టెన్ విరాట్ కోహ్లీ బ్యాటింగ్ ఎంచుకున్న విషయం తెలిసిందే.

imgThird party image reference

వెస్టిండీస్‌ టూర్‌లో విఫలమైన ఓపెనర్ కేఎల్ రాహుల్‌పై వేటు వేసిన సెలక్టర్లు రోహిత్ శర్మకి ఓపెనర్‌గా అవకాశమిచ్చారు. అయితే.. గత వారం దక్షిణాఫ్రికాతో ముగిసిన మూడు రోజుల ప్రాక్టీస్ మ్యాచ్‌లో డకౌటైన రోహిత్ శర్మ.. వైజాగ్‌ టెస్టులో ఎలా ఆడతాడో..? అనే ఆసక్తి సర్వత్రా నెలకొంది. కానీ.. టీ20, వన్డేల్లో రెగ్యులర్ ఓపెనర్‌గా సుదీర్ఘ అనుభవం ఉన్న రోహిత్ శర్మ.. ఈరోజు చెలరేగిపోయాడు. ముఖ్యంగా.. దక్షిణాఫ్రికా స్పిన్నర్ కేశవ్ మహరాజ్ బౌలింగ్‌లో క్రీజు వెలుపలికి వచ్చి మరీ భారీ షాట్లు ఆడిన రోహిత్ శర్మ.. రబాడ బౌలింగ్‌లో వరుస ఫుల్‌షాట్స్‌తో అదరగొట్టాడు.

భారత్ జట్టు గత కొన్నేళ్లుగా టెస్టుల్లో మెరుగైన ఓపెనింగ్ జోడీ కోసం ఎదురుచూస్తోంది. ఈ క్రమంలో శిఖర్ ధావన్, కేఎల్ రాహుల్, హనుమ విహారి, మురళీ విజయ్ తదితరులకి అవకాశమిచ్చినా వినియోగించుకోలేకపోయారు. అయితే.. ఇటీవల విండీస్ పర్యటనలో ఓపెనర్‌గా ఆడిన మయాంక్ అగర్వాల్ హాఫ్ సెంచరీతో ఆకట్టుకోగా.. తాజాగా రోహిత్ శర్మ సత్తా నిరూపించుకున్నాడు. దీంతో.. చాలా రోజుల తర్వాత టెస్టుల్లో భారత్‌కి శతక ఓపెనింగ్ భాగస్వామ్యం లభించింది.

READ SOURCE

⚡️Fastest Live Score

Never miss any exciting cricket moment

OPEN