Virat Kohliకి ధోనీపై ప్రశ్న.. రిపోర్టర్‌కి ఊహించని జవాబు

NewsDaily

NewsDaily

Author 2019-10-22 16:18:47

imgThird party image reference

భారత మాజీ కెప్టెన్ మహేంద్రసింగ్ ధోనీ భవితవ్యం గురించి తనని ప్రశ్నించిన రిపోర్టర్‌కి కెప్టెన్ విరాట్ కోహ్లీ ఊహించని సమాధానం ఇచ్చాడు. దక్షిణాఫ్రికాతో రాంచీ వేదికగా మంగళవారం ముగిసిన ఆఖరి టెస్టు మ్యాచ్‌లో భారత్ జట్టు ఇన్నింగ్స్, 202 పరుగుల తేడాతో విజయం సాధించిన తర్వాత మీడియాతో కోహ్లీ మాట్లాడాడు. ఈ సందర్భంగా ధోనీ రిటైర్మెంట్‌, భవితవ్యంపై విరాట్ కోహ్లీని రిపోర్టర్ ప్రశ్నించగా.. ‘ధోనీ ఇక్కడే ఛేంజ్ రూములో ఉన్నాడు. నాతో పాటు వచ్చి హలో చెప్పు’ అని భారత కెప్టెన్ సరదాగా జవాబిచ్చాడు. రాంచీ స్టేడియంలో మంగళవారం మ్యాచ్ చూసేందుకు వచ్చిన మహేంద్రసింగ్ ధోనీ.. ఆ సమయంలో డ్రెస్సింగ్ రూములో భారత క్రికెటర్లతో మాట్లాడుతుండటంతో కోహ్లీ పైవిధంగా సమాధానమిచ్చాడు.

ఈ ఏడాది వన్డే ప్రపంచకప్ ముగిసిన తర్వాత టీమిండియాకి దూరంగా ఉంటున్న ధోనీ.. రిటైర్మెంట్‌పై మౌనం వహిస్తున్నాడు. నవంబరు 3 నుంచి బంగ్లాదేశ్‌తో టీ20 సిరీస్ మొదలుకానుండగా.. ఈ సిరీస్‌కి కూడా తాను సెలక్షన్స్‌కి అందుబాటులో ఉండనని ధోనీ ఇప్పటికే స్పష్టం చేశాడు. మరోవైపు ఈనెల 24న ధోనీ భవితవ్యంపై ఓ నిర్ణయం తీసుకుంటామని బీసీసీఐ అధ్యక్షుడిగా బాధ్యతలు చేపట్టబోతున్న సౌరవ్ గంగూలీ గత వారం మీడియాతో చెప్పాడు. దీంతో.. ధోనీ భవితవ్యంపై పూర్తి సందిగ్ధత నెలకొనడంతో విరాట్ కోహ్లీ కూడా స్పష్టమైన సమాధానం చెప్పకుండా దాటవేశాడు.

భారత్, దక్షిణాఫ్రికా మధ్య రాంచీ టెస్టుతో సుదీర్ఘ సిరీస్ ముగియగా.. బంగ్లాదేశ్‌తో టీ20 సిరీస్‌‌ నుంచి కోహ్లీకి విశ్రాంతినివ్వాలని భారత సెలక్టర్లు యోచిస్తున్నారు. అదే జరిగితే.. రోహిత్ శర్మ కెప్టెన్‌గా టీ20 జట్టుని నడిపించనున్నాడు.

READ SOURCE

Experience triple speed

Never miss the exciting moment of the game

DOWNLOAD